Qaratikan balı

Əziz müştəri
Diqqətlə oxu

Bu bal Siyəzən rayonunun Məşrif kəndində, öz ailə təsərrüfatımızda istehsal olunur. Arıxanamız dağlıq ərazidə yerləşir və ətrafı yalnız qara tikan kolluqlarıdır. Yaxınlıqda əkin sahəsi və başqa bitkilər olmadığı üçün arıların topladığı nektarın əsas mənbəyi qara tikandır. Ona görə də bu bal təmiz qara tikan balıdır.

Arılara heç vaxt şəkər tozu verilmir, balın içinə heç bir qatqı əlavə olunmur. Bal arıdan necə çıxırsa, elə də süzülür və təqdim olunur. Qarışdırma, dadlandırma, rəng dəyişmə kimi proseslər yoxdur.

Qara tikan balı rənginə, qoxusuna və dadına görə adi ballardan seçilir. Bir qədər tünd olur, dadında yüngül acılıq hiss edilə bilər. Zamanla donması isə tam normaldır və bu, balın təbii olmasının göstəricisidir.

Bu bal illərdir xalq arasında soyuq havalarda, boğaz və zəiflik zamanı istifadə olunur. Möcüzə deyil, sadəcə təmiz və qatqısız balın real təsiridir.

Bankaların üzərindəki logo özümüzə məxsusdur. Logoda gördüyünüz şəxs arıların baxıcısı bu iş üzrə mütəxəssiz illərin arıçılıqa həsr etmiş Atam Dağbəyidir və bütün prosesə birbaşa özü nəzarət edir.Məhsulun üzərindəki nömrə Atama məxsusdur Bu bal fabrik məhsulu deyil, toplama deyil, reklam üçün hazırlanmayıb.

Qara tikan balı az olur. Çünki təbiətdə də qara tikan azdır. Bilən müştəri fərqini anlayır.